Executive日記——海洋公園夏水戰 同海賊王並肩 勇闖海軍大本營

  Kelly係人氣動漫海賊王嘅粉絲,時常想像自己喺草帽海賊團一員。今年夏天,海洋公園聯同海賊王,為大家帶嚟「海洋公園夏水戰」,等粉絲可逐個擊破十大海賊關卡,喺全港最大水戰區盡情激戰!

  小妹就選擇加入草帽小子一伙,同路飛、娜美等成員一齊攞起水槍,勇闖海軍大本營嘅各式水炮機關,消暑又熱血!小朋友亦可以喺海賊王玩水專區同泡泡派對盡興一番,玩盡草帽噴水拱門、超級大水簾同噴泉迷陣等玩水設施,同其他小海賊展開連場水槍大戰。

  大戰過後,大家仲可以享用期間限定嘅「海賊王航海歷險仲夏大餐」,菜式充滿海賊王元素,齊齊補給戰力。

  粉絲記得去到烈陽號、一張張海賊通緝令同巨型路飛草帽等經典場景打卡,同入手限量聯乘紀念品。夏水戰由聽日起開始到九月一日結束,事不宜遲,一齊進入海賊王世界!

Kelly Chu


hd