Executive日記——邁向15周年大日子 「頭條雪糕車」出動喇

  等到喇,今日唔只係Happy Friday,仲係《頭條日報》生日請大家食雪糕嘅大日子!《頭條日報》慶祝邁向十五周年,今日會出動「頭條雪糕車」向大家大派軟雪糕,車身有大大幅頭條家族嘅靚樣,一眼就認到,唔怕miss咗走寶!

  Kelly一早mark定呢次派發免費雪糕嘅路線,由今日下晝一點半至六點半首站喺中環,然後再到銅鑼灣,喺手機下載「頭條日報」App同「頭條Jetso」App,就可以捕獲雪糕車,即刻出示就可以免費攞一杯軟雪糕喇!軟雪糕仲要係不停供應,總之多啲嚟密啲手,至緊要大家Happy!

  提提大家,歎軟雪糕之餘,記得check吓自己嘅香港身份證號碼有冇齊7、1、2三個冧巴,有就恭喜你喇,你可以即場獲贈精美禮品一份O添!若你喺隨雪糕附送嘅生日卡上寫低對《頭條日報》嘅創意生日祝福,再拍照上載到頭條facebook指定帖子,然後將卡掛喺樹上,更有機會贏旅遊現金券、新款智能手機或其他人氣電子產品O添!

  有得食有得玩仲有機會贏獎品,今日下晝一於叫齊親友同事去捕獲「頭條雪糕車」,一齊Happy Friday開心share啦!想知多啲活動詳情,可以睇頭條Facebook活動專頁。

Kelly Chu


hd