Executive日記——Sony動漫節六大展區 試玩新Game買PS勁抵

  身為動漫電玩迷嘅Kelly,梗係關注嚟緊嘅動漫節,睇吓點攞盡優惠啦!動漫節將於本月二十六至三十日喺灣仔會展舉行,Sony Interactive Entertainment Hong Kong Limited宣佈再度參展,今年展區分成六個主題展區,可體驗多款遊戲新作同贏獎品,仲有購買PS4或PS4 Pro主機等唔同優惠!

  今年展區分成六個主題展區,可體驗多款遊戲新作、試玩VR遊戲及與遊戲角色拍照。公司總經理趙善盈話,今年增設手機應用程式「Experience PlayStation」,下載即可預約指定遊戲試玩同參與製作人活動,仲可參加獎盃獵人活動,有機會獲得超過一萬七千份禮品。

  至於優惠方面,今年首設「PS4 Pro升級優惠」,現有機主由即日起於網上登記,有機會獲得「HK$800折扣優惠」,於動漫節期間購買PS4Pro一部,名額限五百名;凡於會場購買任何型號PS4或PS4 Pro,主機即減六百蚊,每日名額四百個;購買PS VR連攝影機套裝可減八百蚊,每日名額一百個。

Kelly Chu


hd