Executive日記——渠務署修復河道生態 螢火蟲再次飛舞

  Kelly喜愛大自然,知道一班學生見證螢火蟲重返大自然,真係開心!由一三年起,渠務署開展「改善河道生物多樣性─復修水生生物生境試驗研究」,邀請螢火蟲保育基金會合作,以粉嶺軍地河、元朗錦田河同打鼓嶺平原河部份河段為試點,修復河道生態,如改善水質、恢復河流棲息地等工作,畀珍稀嘅螢火蟲再次飛舞!

  近日渠務署、螢火蟲保育基金會同香港神託會培敦中學一行約四十人前往軍地河,放螢火蟲幼蟲回大自然,過程中,學生們把幼蟲小心地放置適當嘅位置,例如葉下陰暗嘅地方,讓牠們慢慢適應環境。有學生話,佢哋花咗唔少課餘時間同心機培育螢火蟲,見證牠們回歸大自然,覺得很感恩同開心。Kelly期望不久將來,會見到螢火蟲係河邊閃閃發光、再次飛舞!

Kelly Chu


hd