Executive日記——港人最愛西多士 年食3.2億份夠環繞地球

  為食嘅Kelly睇到「至愛港式飲品小食調查」,先知每年港人食嘅西多士,多到可以環繞地球一圈!而且無諗到原來好多後生仔囡都同小妹一樣喜歡去茶記歎下午茶!

  呢項調查話,頭三位最常叫嘅茶記小食都係邪惡之選,分別為五成七係西多士、三成係炸薯條及兩成八係炸雞髀。就以調查結果反推,西多士嘅數字為例,平均一星期食一點一次,而二十歲或以上的港人約有六百二十九萬人,即使每年就吃咗超過三點二億份西多士,數量足以環繞地球一圈。

  尚營坊高級營養師黃凱詩就同Kelly建議,西多加紅豆冰一餐已攝取成六百八十卡路里,即使一位約五十五公斤女士以時速七公里速度跑步而言,需要跑成一小時四十六分先消耗返。她建議下午茶可選擇較健康的食物代替。

  調查結果仲話,大家最常喝的港式飲品非奶茶莫屬,超過五成五人最常點奶茶,其次為檸茶有四成六;之後係三成嘅檸水。



Kelly Chu

hd