Executive日記——Jetso App陪你行書展 35項獨家優惠券抵到痹

  一提起優惠,Kelly即時諗起Jetso App。今日書展開鑼,只要識得用Jetso App,慳到錢之餘仲拎到贈品禮物,一定滿載而歸!今年頭條Jetso App喺書展期間有多達三十五款獨家優惠券,咪話Kelly唔益你,Kelly已經收藏咗幾款心水Coupons,到時入場第一時間衝去用!

  Jetso App書展獨家優惠券適用於南亞圖書、泛華、春華發行嘅攤位外,好多攤位仲有折上折同減價優惠。另外,有啲現場優惠係出示Jetso App就拎到,例如去牛津大學出版社攤位就拎到幼兒英語歌集同字典形嘅Memo紙。連買任何香港小學補充練習或測驗卷都有得減,暑假都唔可以荒廢學業!

  精品優惠亦唔少得,今年聯合書刊物流繼續有人氣換購,用五蚊換購到價值九十九蚊嘅LED感應壁燈,只要輕輕敲敲牆壁就會着燈,用嚟照明同裝飾都得、十蚊買到價值一百八十蚊人氣日本熊本熊黑板,可以放喺屋企留言同做記錄、同埋二十蚊就買到上堂或開會都必備嘅A5多用途筆記本套!最貼心嘅有三聯攤位換實用三十五蚊帆布袋(原價七十八蚊),裝住啲戰利品,繼續血拼!

牛津攤位送Memo紙

  當然唔少得買書買文具買精品嘅優惠,除咗聯合書刊物流十蚊現金券、益智玩具專家耆思道國際二十五蚊現金券,泛華都有五蚊獨家現金折扣優惠,泛華優惠仲係折上折,認真抵讚啊!只要開住頭條Jetso App行書展,就隨時隨地享盡着數,仲有禮物送,快啲下載頭條Jetso App,計劃定「採購」路線,攞盡獨家優惠啦!

Kelly Chu




hd