Executive日記——開心尋尋幸運兒 讚《頭條》資訊豐富優惠多

  為慶祝《頭條日報》邁向十五周年,回饋讀者嘅「開心尋尋」上周圓滿結束,三位得獎者登場啦,佢哋分別係上周三(七月十日)刊登嘅幸運兒鄭先生、上周四(七月十一日)刊登嘅幸運兒沈小姐同上周五(七月十二日)刊登嘅幸運兒劉小姐,為多謝佢哋每天早上取閱《頭條》,各人獲得獎金五百元。

  Kelly恭喜三位幸運兒,可愛迷人嘅幸運兒劉小姐話:「我鍾意睇《頭條日報》係因為雖然係免費,但都包羅晒我所需嘅新聞、娛樂、副刊等資訊!特別一讚有時會有coupons,同新推廣既資訊!」斯文靚仔嘅幸運兒鄭先生讚《頭條》內容豐富,資訊性十足,排版又清晰。而安靜又優雅嘅幸運兒沈小姐取閱《頭條》時,給大家一個溫柔嘅微笑,真係好治瘉。

  《頭條》係全港發行量最大嘅報紙,免費資訊豐富,擁有全港最多讀者。《頭條》推廣效力宏大,獲廣告客戶支持,現在邁向十五周年,編採部同事會繼續努力,為大家提供最優質嘅免費資訊。

Kelly Chu


hd