Executive日記——幸運旅客 巧遇夢幻彩虹雲

  彩虹偶爾都會遇見,但係天際上嘅彩色雲朵,Kelly就未見過!有乘搭香港飛往台灣航班嘅網民,喺facebook上分享偶遇彩雲嘅照片,更形容係「這輩子所見過最奇幻嘅畫面」。網民馬賽指起飛不久就看到烏雲中有一小片彩色雲朵,誰知雲朵愈來愈大同繽紛,更形容「繽紛到根本不像地球上該有的」。

  澳門氣象學會MMetS在其facebook專頁上發文,呢個現象係大氣嘅光學現象彩雲,日光通過帶有微小水滴或冰晶嘅高積雲、卷積雲或卷雲時,水滴或冰晶令光線產生唔同方向嘅繞射,繞射嘅光彼此干涉,光波相結合處會看到明亮嘅光,相抵消處嘅光線較暗,漸次形成色彩次序。由於雲朵為不規則片狀分佈,因此產生不規則片狀嘅艷麗彩雲。

Kelly Chu


hd