Executive日記——萌爆雪糕車登陸星島大廈 大派雪糕賀《頭條》生日

  大家有冇見到「頭條雪糕車」,已經歎過免費雪糕,《頭條日報》慶祝邁向十五周年,之前喺中環、銅鑼灣大派雪糕,現場人頭湧湧兼有明星拱照,場面好墟冚。噚日雪糕車去完旺角,就到咗將軍澳星島新聞集團大廈派雪糕,Kelly現場目擊,好多同事圍住萌爆雪糕車前,拎住雪糕selfie打卡,仲即場參加埋「頭條生日樹」有獎遊戲,贏人氣電子產品及旅遊禮券等,勁開心!

  另外,即日至七月二十三日,只要大家喺街上見到頭條日報雪糕車,秒速舉高手機影低架車嘅萌樣,然後上載照片到頭條facebook「全城街拍雪糕車」帖子,《頭條日報》就會為每張相捐出十蚊畀香港公益金。一於你出相,《頭條》出錢,齊齊做善事啦!

Kelly Chu


hd