Executive日記——彭耀佳:放心同屋企人去旅行! 劉鎮漢下月功成身退 多謝傳媒撐港旅遊業

  將於下個月卸任香港旅遊發展局總幹事嘅劉鎮漢(Anthony),噚日佢最後一次以總幹事嘅身份會見傳媒高層,佢同大家講述本港上半年旅遊業狀況,仲多謝傳媒朋友對佢工作嘅支持,席間響起兩次熱烈嘅掌聲。

  出任旅發局總幹事十二年嘅Anthony,將於今年八月後離任。噚日佢同傳媒高層朋友講述本港上半年旅遊業狀況,話本港旅遊業有賴傳媒一直以來對佢同旅發局嘅支持,幫手宣傳香港,佢講講吓有啲感動,Kelly同其他傳媒朋友都拍手畀個like佢!

  對於Anthony選擇離開,旅發局主席彭耀佳話曾極力挽留佢,但佢選擇功成身退。彭耀佳尊重佢嘅決定,「人生有幾多個十二年嘅黃金歲月」,多謝Anthony對旅遊業嘅貢獻。彭耀佳又講笑話,「你o依家唔使搞宣傳旅遊業,可以放心同屋企人多啲去旅行啦!」,全場報以熱烈掌聲。

Kelly Chu


hd