Executive日記——海洋公園黃金導賞員 積極投身環保行動

  環保同保育密不可分,有參加過海洋公園年度義工計劃嘅朋友對Kelly講,學到好多環保資訊,仲開心同人分享。呢項義工計劃已經圓滿結束,今屆退休義工人數為歷年最多,比上屆上升七成半。海洋公園就活動做咗一項調查,結果顯示此義工計劃嘅參加者較一般人士更積極實踐環保行動,並有較高嘅生態保育意識。

  園方以問卷訪問咗七十四名黃金導賞員(參加者組別)及一百多名四十五歲以上嘅公眾人士(公眾組別),了解佢哋對生態保育嘅實際行動、口頭承諾、態度和保育認知是否有所差異。結果顯示,曾參與黃金導賞員計劃嘅義工,喺以上四個範疇均較其他被訪者更明顯支持生態保育。其中參加者組別中九成表示停止食用魚翅,相對公眾組別僅有六成。至於近年各界大力提倡嘅走飲管,近九成黃金導賞員表示有付諸實行,遠超其他被訪者之五成。Kelly畀個like各位義工。

Kelly Chu


hd