Executive日記——頭條家族透明雨傘 33蚊就換到!

  沒有最Happy只有更Happy!上周五Kelly先至歎完《頭條》免費雪糕兼玩遊戲贏獎品,昨日《頭條》又緊接推出頭條家族透明雨傘換購活動,雨傘大大把又靚又吸睛,仲係日本至興嘅透明style,連平日cool爆嘅男同事見到都即刻話要換購呀!頭條家族由《頭條日報》自家創作,開心萌爆,個個大愛,o依家更限量推出頭條家族透明雨傘,正上加正!仲以低至三十三蚊超筍換購價益大家,識貨梗係即刻換購返把啦!  

  昨日雨傘換購活動開始第一日,Kelly手機whatsapp個好友群組已狂收訊息,有姊妹表示傘已換,大讚透明雨傘夠特別,頭條家族更係萌到無朋友!仲叮囑未換購嘅姊妹要快手,因為限量出品,手慢隨時會走寶!Kelly記得過往《頭條》都有推出雨遮換購活動,次次反應都好好,雨遮火速換罄,今次呢把透明遮傘仲有頭條家族萌樣加持,無論創意度、好感度同吸like度都無得頂,加上低至三十三蚊就換購到一把,性價比超高,相信火速換罄無難度呀!

  今個夏季極端天氣經常出現,三兩日就嚟個雷暴警告,大雨到癲,透明雨遮輕身又大把,雨遮上面嘅頭條家族萌樣五顏六色好治瘉呀!下雨天撐住佢真係乜嘢懨悶煩惱都掃走晒,自己happy之餘,途人見到都情不自禁畀心心眼啦!諗多無謂,即scan QR code攞印花加三十八蚊換購啦!醒多個着數貼士畀大家,下載「頭條Jetso」App攞電子優惠券換購仲可以慳多五蚊,即係三十三蚊一把咋!嘩!抵到咁,自己一把,再換購多幾把送畀人都抵喎!

Kelly Chu


hd