Executive日記——分享照顧「三寶」經歷 校長新書動人

  每年書展總有一啲書,拿上手揭兩頁,就會感受到作者嘅誠意,然後莫名嘅感動油然而生。其中一本新書係羅懿舒校長所著嘅《夜幕燭光——照顧「三寶」的校長》,書中講述她如何照顧家人,一字一句,讀來令人動容。

  羅校長家中有一對患了認知障礙症、年過八旬嘅父母,更有一個思覺失調嘅姊姊,佢會如何自處?她怎樣付出足夠嘅愛心、能力、謙卑同耐心去照顧佢哋呢?羅校長喺書展分享咗佢呢一段非凡經驗,當聽佢說到如何放下校長身段、蹲在地上清理洗刷排滯物,又聽到佢為咗父母一個肯定嘅大拇指手勢、一句「乖女」嘅讚賞而窩心時,Kelly同在座朋友心中都不禁極為佩服,也為佢同家人感恩,也令人反思與家人相處之道。小妹誠意向作為子女嘅你,或已經踏入人生下半場嘅你,推薦羅校長呢本新書。

Kelly Chu


hd