Executive日記——書展人均消費增 書迷出手疏爽

  書展昨天閉幕,主辦當局調查發現,今年書展人均消費約八百七十五蚊,比去年上升百分之八,市民反應好踴躍,多人買書之餘,文化活動好受歡迎,倪匡大師嘅講座更加座無虛席!

  貿發局副總裁嘅周啟良話,今屆書展入場人次多達九十八萬,不止文化活動反應好踴躍,科幻小說大師倪匡個講座有成二千位觀眾!而運動消閒博覽那面亦提供咗好多免費試玩和互動體驗,吸引不少參觀人士去試玩,氣氛十分熱烈。

  調查話,受訪者今年預算在書展的花費平均為八百七十五港元,按年升約百分之八,亦佔全年購買印刷書籍平均消費超過六成,反映書迷愈來愈傾向選擇於書展花費及購買書籍。小妹覺得書展愈來愈方便。而且仲有成七成五人打算來書展購買最新出版書籍,亦有三成六人來書展享受購書折扣優惠。

  身為科幻迷嘅小妹都去咗今年書展個年度主題展覽「文遊四度空間」,一口氣睇晒唔同年代作家嘅創作歷程及其作品介紹,如何承先啟後,科幻嘅發展脈絡。小妹覺得最有趣係作家創作筆記的改變,由紙筆到用電腦軟件,睇創作筆記真係學到好多嘢。

Kelly Chu


hd