Executive日記——任何仁蒲頭 教地震應變措施

  去旅行想開開心心,唔好彩遇上地震點算,唔使驚,好耐無露面嘅任何仁教大家點應變!消防處推出一條新影片,一名外遊旅客外遊時唔好彩遇到地震,任何仁突然現身,話畀大家知地震發生時嘅應變措施,包括要保持鎮定;保護頭部同匿喺堅固嘅家具底下;如果升降機有扶手就要捉實,有機會就盡快離開;行駛緊嘅車要慢減車速同停車,乘客要緊握扶手,唔好擅自走出車外;身處戶外要保護頭部,遠離建築物、斜坡同架空電線等。

  任可仁喺片入面仲介紹消防處新推出嘅應急避險外遊手冊,入面有外遊重要資訊,仲有遇上自然災害同緊急事故嘅應急措施,幫大家提高避險意識,為外遊加多一份保障,快啲登入http://bit.ly/2KjkLoE下載啦!Kelly要畀個like任何仁,多謝佢嘅實用資訊!

Kelly Chu

hd