Executive日記——希慎X海洋公園萬豪酒店 免費穿梭巴方便旅客

  Kelly最like貼心嘅服務,昨日發現希慎旗下嘅利園區同海洋公園萬豪酒店合辦免費穿梭巴士服務,來往商場同酒店只需十五分鐘,真係好方便!

  首架海洋公園萬豪酒店穿梭巴士即日投入服務,每天最少有十班車,來回希慎廣場及海洋公園萬豪酒店,方便旅客。希慎話,好高興同萬豪酒店一齊推出呢項穿梭巴士服務,方便酒店住客進出市區之餘,仲有望藉此「吸客」去利園區,實行WinWin雙贏咁話。

  精明嘅小妹八到,利園區仲為酒店旅客提供特別迎新禮遇。O依家海洋公園萬豪酒店旅客可享四項迎新優惠,首先酒店旅客及獲邀人士,即可成為「利園區Club Avenue旅客尊屬紫荊卡(僅限獲邀人士申請)」準會員,可率先憑指定消費金額,換取豐富獎賞;其次於利園區以電子消費滿港幣三千蚊或以上(最多兩張同日消費單據),即可換領限量版利園區「八達通」乙張。

  利園區為咗幫旅客更有效咁了解佢哋嘅商場,仲有本《銅鑼灣利園區旅客攻略》,呢本小冊子收集咗超過六十家利園區商戶的旅客專屬優惠,海洋公園萬豪酒店旅客及獲邀人士可免費換領。另外,由即日起至八月十五日喺利園區指定商戶使用支付寶付款,即日消費累計滿一千蚊人民幣,可獲利園區X支付寶二十元人民幣紅包及尊享利園區指定商戶優惠。Kelly覺得呢次合作真係多方受惠,三贏!

Kelly Chu


hd