Executive日記——T恤誤印香港澳門為國家 Versace搞出主權爭議 代言人楊冪急割席

  國際品牌常識唔夠,真係好容易出事。昨天意大利品牌Versace一款印有多個城市及國家名稱的T恤,列出一堆國家名稱,竟然將香港同澳門與中國並列,惹起爭議,搞到要公開道歉,連Versace中國代言人的女藝人楊冪都同呢個品牌割席。

  成件事係咁嘅,有內地網民發現Versace一款T恤列出好多國家同城市名,而喺城市名後面會講明係邊個國家,但香港、澳門就無咁做,與中國並列,結果引起唔少網民群起攻之。

  Versace在官方微博發表聲明,承認係設計上嘅疏忽,導致某些城市無使用正確嘅國家名稱,強調已將呢款T恤喺上月(七月)二十四日下架同銷毀,並為此深表歉意,重申品牌熱愛中國,堅決尊重中國領土國家主權咁話。

叫停所有合作

  不過,一時失策,帶來後遺症。作為Versace中國代言人嘅女藝人楊冪,昨日凌晨透過旗下工作室發表聲明,宣佈停止與Versace品牌嘅全部合作。聲明指楊冪喺網上發現Versace設計嘅這款服裝,涉損害國家主權和領土完整,佢作為中華人民共和國公民,感到無比憤慨,並強調無論何時,祖國的主權和領土完整神聖不可侵犯,更不容分割。聲明又話,堅持一個中國嘅原則,堅決維護祖國統一,係每個中華人民共和國公民義不容辭嘅責任。

Kelly Chu


hd