Executive日記——紅會心理支援熱線 幫大家排解情緒困擾

  反修例爭議持續兩個多月,見唔到解決前景,反而仲愈演愈烈。Kelly同好多朋友一樣,見到反修例示威嘅警民衝突不斷升級,心情真係好難過,經常瞓唔着!究竟呢場社會大撕裂幾時先有轉機?香港紅十字會(圖)即時作出反應,昨天同今天設立心理支援熱線,向有需要人士提供情緒支援,服務時間仲會視乎需要延長。小妹鼓勵情緒受困擾嘅市民去救助。

  紅十字會朋友話,關注持續中嘅社會事件,尤其係連串衝突對所有人士嘅身體及精神健康,以至日常生活帶來即時及長遠嘅負面影響。所以由昨天起至今天向公眾提供心理支援熱線,由臨牀心理學家同該會心理支援服務嘅義工接聽,所有義工均已接受「心理急救」訓練。紅十字會話,對所有服務使用者嘅個人資料均會保密,大家可以放心使用,盡訴心鬱結,等專業人士幫吓你。

  紅十字會仲再次呼籲事件中嘅各方保持克制,以保障有需要人士可以獲得所需嘅人道援助。該會仲強調,受傷人士嘅醫療需要應該獲得優先考慮,所有救援人員及其車輛應受到尊重,使工作不受阻礙。Kelly亦呼籲所有人,即使政見不同,也應該放棄暴力,向有需要嘅人伸出援手,展現大愛情神,咁先有機會令香港盡快走出困境。

Kelly Chu

hd