Executive日記——匯集多元化當代藝術 新藝潮博覽會 齊撐香港藝術家

  電影有新浪潮,藝術都有新藝潮。兩年一度嘅新藝潮博覽會 ART NEXT,專為新晉藝術家同收藏家而設,將會喺今年十一月一日至四日假中環元創方舉行第三屆展覽!經兩年籌備同專業評審遴選,今屆將有來自歐、美、日、南非嘅藝術家參加,當然唔少得Kelly最支持嘅香港藝術家啦!



  新藝潮聚集咗不同文化背景嘅藝術家同收藏家,為新入行者提供合適嘅博覽。小妹見博覽容許嘅創作媒介好多元化,充份反映全球當代藝術發展嘅最新趨勢,作品由街頭藝術、混合媒體、攝影、雕塑、水墨、油畫等。重點係,大家可以喺一個輕鬆環境下同藝術家互動,並以合理價格購入作品。如果眼光準,日後藝術家聲譽日隆,相關作品隨時大升值。

  同場仲有特別策展項目,包括新一代版畫和岩彩藝術以及有「繪畫奧林匹克」之稱的著名青年繪畫比賽Small Montmartre of Bitola International Plein-Air Painting Contest for Youth歷屆香港得獎藝術家作品。Kelly提提大家,主辦單位特別邀請咗上屆香港參展藝術家賴筠婷繪畫咗一幅生動有趣嘅作品並製成限量版手提袋,購買一定數量門票就可以獲贈㗎啦!



Kelly Chu


hd