Executive日記——麥田捕手打造日式亭園 秋日文化祭 如置身日本慶典

  仲有唔夠一個月,就到中秋節啦,Kelly有節慶活動推介畀大家!由香港手作文化藝術協會主辦嘅麥田捕手假日市集—秋日文化祭將於九月七至十五日,同大家見面。活動內容包括,巨型月亮亭園攝影區、 手作匠人創意市集同工作坊 、仲有和服租用體驗。畀大家恍如身處日本祭典一樣 ,感受濃厚嘅節慶氣氛!

  麥田捕手今年荔枝角D2 Place商場天台,打造一個和式亭園,以古典石板路引領大家走到巨型月亮坐落之地,許願水池更別出心裁地以半圓設計圍繞巨型月亮,展現出百燈伴月嘅景象。到時Kelly可與巨型月亮打卡影相,亦可於水燈上寫上願望,放喺水燈許願池中。

  另外,商場內有過百個手作品牌 ,售賣各款手工製品 ,包括手工木藝、手工皂、織品同手工飾物等 ,而各個星期都有唔同嘅手作人參加,新鮮感十足。

  今次大會仲會提供和服租用服務,畀大家穿上和服浴衣,同朋友、家人或情侶漫遊秋祭、打卡留念。

Kelly Chu


hd