Executive日記——陪老公王維基旅行二人世界 總商會袁莎妮棄做女強人

  本港四大商會,曾幾何時獨攬三名AO女將,擔任總裁職位。不過,如今佢哋都先後離職,唯獨香港總商會行政總裁袁莎妮(Shirley Yuen)留守崗位八年之久,近日有傳聞佢都離開,鬧出一個是她「唔撈」定「無得撈」的風波。Kelly即刻同佢八吓,佢話當然唔係啦,係想多啲時間同老公王維基去旅行過二人世界。

  Shirley喺三個月之前已辭職,並非外界傳言,因為其在修例風波言論而被逼引退。佢話,早在去年十月爆出婚訊時,老公王維基已有指令,今年底必定要交人,加上已在總商會任職八年,差不多是時候起身,所以才請辭。

  對於離職嘅實質日期,佢話尊重主席嘅決定,但亦按合約要求,要有半年通知,於是在六月已正式遞信。作為搶手嘅牛津高材生,難道便被私有化,會令職場再少一名猛將?Shirley話會先休息,同老公sweet sweet吓,享受二人世界四出遊埠先。真係愛情大過天。

  至於會否重入職場,在哪個崗位出現見到她,Shirley好玄妙地回答:「稍後會在適當崗位,服務社會。」是去當立法會議員,還是另有所指,就留待大家猜下。

Kelly Chu


hd