Executive日記——「惡人舞動迪士尼」匯演與嘉芙夫人同台「鬥戲」

  今年萬聖節迪士尼有咩新活動?Kelly同你搶先睇!昨日迪士尼率先推出二十五分鐘長嘅互動歌舞匯演「惡人舞動迪士尼」,這場匯演最特別嘅地方係「互動」,實行齊齊狂歡!

  想知「惡人舞動迪士尼」有咩經典迪士尼惡人現身?等小妹話您知,有《小魚仙》邪惡海女巫烏蘇拉、《公主與青蛙》嘅巫師霍博士、《101斑點狗》嘅庫伊拉、《魔髮奇緣》嘅嘉芙夫人、《美女與野獸》嘅加斯頓,共五位惡人都會出現。而每位惡人仲有專屬場景,同加入咗新元素嘅「惡曲」,為咗今次「惡人舞動迪士尼」,更原創咗一首由五位惡人一同合唱嘅歌「Let’s Get Wicked」!

  「互動」環節方面,嘉芙夫人仲會邀請台下嘅幸運兒同佢上台「鬥戲」。匯演將於今年九月十二日起至十月三十一日期間,每天演出三至四場,係今年萬聖節先睇到同聽到!

Kelly Chu


hd