Executive日記——迪士尼漫威粉絲聚首一堂 賀 Marvel 80 周年生日

  香港真係好多漫威粉絲,上周六約七十名香港 Marvel Fans 就喺香港迪士尼樂園酒店聚首一堂,慶祝 Marvel 80 周年大日子!其中三位粉絲仲分享佢哋嘅珍貴英雄人物收藏品,包括一系列嘅限量模型、戰損版模型、Thanos 無限手套、洛基 1:1 權杖、仲有多款絕版漫畫等。同樣係漫威粉絲嘅 Kelly真係好羨慕,下次一定要出席呢個粉絲聚會!見識吓先。

  另外,樂園推出「EXPO ASSEMBLY STATION」特別娛樂項目,即日起去到香港迪士尼樂園嘅「明日世界」,就有機會見到蜘蛛俠、Marvel隊長,及黑豹呢幾位 Marvel 超級英雄,大家可以同佢哋打卡影相。粉絲仲可以在香港迪士尼商店買到兩款「Marvel 80 周年」嘅模型,大家想力挺一眾英雄人物,真係唔好錯過啊!

Kelly Chu


hd