Executive日記——「香港靈異結界」「盂蘭老大街」本地元素 哈囉喂鬼域登場 驚嚇度爆燈

  下個月就係萬聖節,Kelly每年都去海洋公園哈囉喂,嚇吓自己又笑一餐!海洋公園「哈囉喂全園祭」今年首次將恐怖氣氛全面滲透鬼屋內外,以六大主題鬼域將詭異氛圍籠罩全公園,其中兩大鬼域「香港靈異結界」及「盂蘭老大街」以港人熟悉嘅靈異故事作為設計藍圖,大家準備好接受膽量嘅挑戰未﹖

  「哈囉喂全園祭」期間,海洋公園將化身六大主題鬼域,恐怖元素由鬼屋內延伸至整個區域。每個鬼域均以一個主題故事為基礎,創作團隊將故事建構成一個真實空間,以佈置、燈光同音效打造成故事發生嘅場景,並透過街頭演員的一舉一動帶出同深化故事,令遊人代入故事,變身其中一個角色。

  「本地元素」係哈囉喂必備嘅「驚嚇位」。設計團隊今年參照七、八十年代港產電影,打造「香港靈異結界」同「盂蘭老大街」兩大鬼域。「香港靈異結界」,佈以真實裝置,如滑梯、跳飛機等舊式遊樂設施、小巴站等,令遊人恍如置身廢置屋邨;而「盂蘭老大街」則將香港老大街變成盂蘭盛會。

  今年嘅哈囉喂美食包含了驚嚇及驚喜兩大元素,既推出一系列「嚇破膽」嘅主題美食,同時亦精心炮製多款 LINE FRIENDS 哈囉喂期間限定嘅美食同甜品,畀大人細路小朋友都可以投入全園哈囉喂體驗。

Kelly Chu


hd