Executive日記——東京奧運團邊玩邊睇賽事

  四年一度嘅國際體壇盛事奧運會,將於明年七月二十四日至八月九日喺日本東京舉行。Kelly知道賽事門票一向都是難求,香港中國旅行社就推出奧運限定旅行團,帶客人欣賞一場重要熱門賽事,有得去日本玩,又有奧運睇!奧運限定旅行團包括,七月二十六日出發,睇女子雙人十米高台跳水決賽;八月三日出發,睇女子排球半準決賽(八強);八月四日出發,睇女子十米高台跳水決賽。

  其中,喺八月三日出發嘅女子排球半準決賽(八強)——精采五天團,行程包括到訪濃溝瀑布、「日本三大名園」偕樂園、牛久大佛等熱門景點,仲會去成田AEON購物中心、木更津三井Outlet等地方購物,當然,唔少得去睇埋奧運賽事——女子排球半準決賽!

Kelly Chu


hd