Executive日記——消防及救護學院開放日 免費入場券下周六派發喇!

  下月六日就係消防及救護學院開放日,消防處將於下周六(十四日)向市民免費派發入場券啦!開放日嘅節目內容豐富,包括消防及救護車輛巡遊,同多項滅火及救援示範,到時百勝角模擬鐵路站,同消防及救護教育中心暨博物館亦都會開放畀市民參觀。當日亦有訓練設施展覽、消防處裝備同特別車輛展示、防火安全教育展覽、與內地同業交流相關嘅展覽、攤位遊戲、互動投考體驗區同消防工作犬示範等。

  公眾入場券將於下周六上午十時起派發,每人限取兩張,派完即止。有興趣嘅市民可到以下地點索取,包括上環消防局(地址:上環西消防街2號);黃大仙消防局(地址:黃大仙鳳德道28號);沙田消防局(地址:沙田源禾路26號);消防及救護學院(地址:將軍澳百勝角路11號)。活動咁精采,Kelly真係好期待,到時一齊嚟玩啦!

Kelly Chu


hd