Executive日記——本地藝術家 展品反思香港問題

  Kelly最近參觀兩位本地藝術家程展緯同何兆南嘅展覽,令小妹反思!展覽以颱風為主題,相信大家仍記得去年颱風山竹襲港,今年六月就發生反修例風波,兩件事先後發生,兩位藝術家透過比較同暗喻去反思自然災害嘅侵略同社會嘅政治問題。

  何兆南同Kelly講,佢嘅攝影系列《樹的留白》(圖)係喺山竹襲港之後紀錄低,唔少大樹被強風吹毀,拍攝時好清楚知道呢啲大樹難逃被砍嘅命運,但只要給予時間就可以枯木再生,而且樹木係有感情嘅,令佢不斷反思已往社會政策嘅思想價值,係咪所有嘢一出錯就要清除,沒有任何保留嘅空間呢?呢個展覽喺黃竹坑嘅刺點畫廊舉行,好值得去睇吓,反思香港嘅問題。

Kelly Chu

hd