Executive日記——昂坪市集「童遊時光」 走進時光隧道 緬懷兒時玩具

  今個秋日,昂坪360將帶大家回到童遊時光!昂坪市集內將於九月二十七日至十一月十日設置多個巨型經典打卡位,包括三米高巨型纜車扭蛋機同摺紙遊戲「東南西北」,又可以走進玩具時光隧道,緬懷昔日兒時玩意,仲有花式搖搖表演睇。真喺勾起Kelly唔少童年回憶!



  昂坪市集圓形廣場特設逾三米高的巨型纜車扭蛋機,打卡之餘又可以扭出兒時玩具,只需喺個人社交媒體專頁上載「童遊時光」佈置嘅照片,即可兌換扭蛋金幣。另一個打卡位放置於菩提樹下嘅摺紙遊戲「東南西北」,上面寫滿唔同小挑戰,帶大家重現課室上與同學嘅歡樂時光。

  「玩具時光隧道」會展出多款經典五十至千禧年代香港流行玩具,包括塑膠玩具、鐵皮車、煮飯仔套裝同經典棋盤遊戲。展品承載一代又一代人嘅回憶,將玩具歷史呈現眼前,大家一同透過展覽認識香港新舊玩具轉變同里程,一睹兒時玩具嘅獨特風采,寓學習於玩樂!

  另外,本地搖搖團體Let's Yo重臨昂坪 360,帶來花式搖搖表演,更加入互動環節,同大家一起分享玩搖搖嘅樂趣!仲有其他精采表演同糖畫工作坊等緊大家,唔好錯過啊!

Kelly Chu


hd