Executive日記——狂歡音樂派對獻「惡」曲 迪園惡人出動 萬聖節尖叫不斷

  今個萬聖節,Kelly要同一眾經典迪士尼惡人,共度一個日夜狂歡音樂之旅!「Disney Halloween Time」開始咗啦,即日起至下月三十一日上演歌舞匯演 —「惡人舞動迪士尼」,獻上主題「惡」曲。另一邊廂,白天有「米奇Halloween玩轉大街派對」,晚上有全新「阿Jack聯群作惡」音樂表演,仲有一系列萬聖節活動遍佈樂園,驚到大家笑不停!

  全新音樂體驗「惡人舞動迪士尼」,團隊原創一首節奏強勁嘅合唱歌「Let’s Get Wicked」作序幕同壓軸。五位迪士尼惡人包括海女巫烏蘇拉、女魔頭庫伊拉、巫師霍博士、壞蛋加斯頓,以及嘉芙夫人,現場演繹多首注入全新音樂元素的經典「惡」曲,在座一位幸運觀眾會獲邀上台,同嘉芙夫人近距離互動!

  除了「惡人舞動迪士尼」外,在日間遊客可穿上趣怪可愛嘅服飾,參與「米奇Halloween玩轉大街派對」,同萬聖節造型嘅米奇與一眾迪士尼朋友係美國小鎮大街一齊載歌載舞。晚上,一眾經典迪士尼惡人,聚集係城堡廣場舞台,舉行全新「阿Jack聯群作惡」音樂派對。Kelly準備好同一班大膽朋友去呢個音樂派對,玩餐飽。

Kelly Chu


hd