Executive日記——波斯富街空蕩蕩 不見一人好慘情

  十一國慶日,示威喺香港多區遍地開花。《頭條日報》刊登咗一張當日喺波斯富街景嘅相片,只見高樓大廈,街上一個行人都無,一片沉寂,令好多讀者留下深刻印象。Kelly問過提供呢張相嘅專業攝影師,佢話當日聽見路人講,好似二戰時期日本仔打到嚟,人人躲起來,佢希望透過鏡頭,把這個動盪時代面貌紀錄下來。

  提供呢張咁有新聞性相片嘅Ann Choi,係一名專業人像攝影師影。佢話,十一當天中午,佢由銅鑼灣住所行落街買食物,見到陽光燦爛,天色好靚,行過波斯富街,竟然一片寂靜,不見一人,大部份店舖落閘,只有幾間營業,同平日人山海嘅情況,相去甚遠,於是將呢個奇景拍攝下來。

  佢話,行到去灣仔鵝頸橋一間超市,先見到有人,但個個心急如焚,買完嘢就走,好似打緊八號風球咁。有人笑言,好似日本仔打到嚟!Ann Choi慨歎,香港係個好美麗嘅城市,可是時局動盪,才出現波斯富街無人嘅奇觀,令佢覺得,身為攝影師,要多啲外出,透過鏡頭為歷史留下見證。Kelly好支持佢。

Kelly Chu


hd