Executive日記——建立個人專頁 分享行善經歷 UNICEF HK「為兒童跑」 齊行善籌款

  聯合國兒童基金香港委員會(UNICEF HK)即將喺十一月二十四日(星期日),喺香港迪士尼樂園度假區同欣澳舉行「為兒童跑」2019慈善公路長跑賽。活動籌得嘅善款將會支持UNICEF HK嘅全球抗愛滋工作,以創新科技拯救同改變婦女及兒童嘅生命。Kelly一定去跑番轉支持吓。

  「為兒童跑」2019分別設有半馬拉松、十公里、五公里、三公里(少年及親子)等多項賽事,歡迎個人、家庭、企業同學界跑手參與。今年賽事仲新設咗「學界挑戰」特別獎項,歡迎各中學及大學跑手以學校名義報名參加。參賽學生可參與任何組別嘅個人賽事,挑戰個人極限,同時為學校角逐「動員力大獎」(最多參賽學生)、「影響力大獎」(最高網上籌款金額)及「感染力大獎」(最高人氣打氣短片)三個獎項,藉此帶動校園更多正能量。

  UNICEF HK今年亦新推出升級手機版網上籌款平台,增設咗影片、相片同文字等多媒體資訊上載功能,畀建立個人籌款專頁嘅跑手,以不同媒體分享各自嘅行善之路同宣揚幫助兒童嘅信念,號召身邊親友一齊支持。成功開設專頁,並達到指定籌款金額嘅跑手,仲有機會獲得UNICEF限量版紀念品同「亞洲萬里通」里數等驚喜謝禮。

  「為兒童跑」2019有意義又健康,Kelly都準備叫埋一班朋友參加。有興趣參加嘅你,記得趕及下星期二(十月八日)喺UNICEF HK嘅網上報名啦!

Kelly Chu


hd