Executive日記——《忍者亂太郎》停止連載33年陪伴 經典落幕

  Kelly細個放學後,都會趕返屋企開電視睇《忍者亂太郎》,睇住亂太郎、小丸同新丁喺忍者學校發生嘅趣事,輕鬆一吓。不過,由於原作者尼子騷兵衛中風後身體欠佳,官方日前正式宣佈十一月出版完結紀念版後,中止長達三十三年嘅漫畫連載。又一套陪伴唔少人童年嘅經典落幕。

  漫畫《落第忍者亂太郎》至一九八六年開始喺《朝日小學生新聞》連載,大受歡迎。「落第」喺日文有落榜嘅意思,日本放送協會當時覺得唔太吉利,就喺九三年改編做動畫時,改名做《忍者亂太郎》,播放至今,觀眾遍佈世界各地。

  作者尼子騷兵衛今年一月中風入院,身體康復狀況未如理想,所以決定中止作品連載。Kelly希望尼子騷兵衛老師好好休息,同時感謝佢為大家帶來好多歡樂。

Kelly Chu


hd