Executive日記——邀請參加單位在所屬堂區舉辦 明愛慈善賣物會 改為小型義賣

  Kelly每年一向都會支持「明愛慈善賣物會」,貨品價廉物美之餘,仲可以做善事。不過,小妹提提大家,今年明愛慈善賣物會將改為邀請參加單位喺所屬堂區、學校等地方自行舉辦,有興趣參加嘅你,就要去賣物會嘅官方facebook,緊貼最新消息!

  今年「明愛慈善賣物會」原訂由十一月三日起,一連三個星期日,喺銅鑼灣、元朗、深水埗、荃灣、沙田同長洲舉行。由於明愛考慮到近日社會事件,為顧及所有參加者同義工嘅人身安全,所以,決定改為小型義賣籌款,舉辦日期由即日起至十二月底。

  「明愛慈善賣物會」作為本港一個別具特色嘅年度大型慈善活動,除咗有多個衣物、家庭用品攤檔、遊戲攤位外,仲有精采嘅表演節目,為明愛喺教育、醫療同社會工作等服務籌募經費。活動每年都動員逾萬名義工,吸引超過八萬人次入場。

  Kelly相信,明愛一定考慮咗多方面因素,先作出改變賣物會形式嘅決定,但做善事唔分形式,希望大家多多支持!

Kelly Chu


hd