Executive日記——網民教你巴士冷知識 有咗 「巴士內功心法」 搭車無難度

  近排港鐵受到破壞,好多站被逼關閉,Kelly同好多朋友每早返工都要計劃交通安排,好在有網民發揮守望相助嘅精神,創作咗「巴士內功心法」,披露好多巴士嘅冷知識,教授大家更容易選乘不同路線嘅巴士,Kelly 相信學懂之後,準時返工返學就無乜難度!



  呢套由網民創出嘅「巴士內功心法」,教大家首先了解自己屋企樓下同公司樓下所有巴士路線,通常有一至二十條不等。之後要知道樓下路線去邊,經邊條主幹道,通常主幹道同大站都有大量巴士線途徑,咁就可以轉車,將一條線化成無限可能。

  最重要嘅一環,係學習巴士路線號碼嘅邏輯,幾乎每個數字同英文字母都有特殊意義。以九龍新界為例,259D嘅2代表九龍區,5係屯門區,9係屯門碼頭區,而D係屯門區往觀塘區。只要知道每條巴士路線車牌嘅密碼,一睇到就知會去邊,方便安排接駁或轉車啦。

  最後,要以無法為有法。一個好嘅乘客,要坐出自己節奏,更唔可以比路線牽住你走,要能夠靠不斷轉車將巴士變成的士嘅走線,忘記路線,坐出多變組合。原來有咁多巴士冷知識,Kelly大開眼界。

Kelly Chu


hd