Executive日記——商台60周年CD集 載滿港人回憶

  「恭祝你福壽與天齊,慶賀你生辰快樂。年年都有今日,歲歲都有今朝,恭喜你,恭喜你……」唔講唔知,呢首經典《祝壽歌》,係多年以前由商業電台創作,流行咗幾十年。

  講起商台,喺一九五九年啟播,今年六十周年啦,陪伴Kelly度過唔少日子。商台好朋友、一台總監郭志仁近日寄咗一張名為《我們60年》嘅4 CD集畀小妹,原來係商台喺八月台慶月發行嘅紀念CD集,入面收錄咗多首商台金曲,除咗燴炙人口嘅《祝壽歌》,仲有好多人鍾意嘅《天各一方》、《留給最愛的說話》、《為甚麼》等舊歌,首首動聽。近代亦有唔少好歌,好似《拉闊音樂》、《早霸王》、《人人》等,代表咗唔同年代商台廣播嘅回憶,成隻碟都係香港人嘅集體回憶。

Kelly Chu


hd