Executive日記——梁凱寧唔做主播一身輕 斯里蘭卡義教英文

  前無線新聞主播梁凱寧(Maggie),上月一號正式離巢,結束六年主播生涯。Kelly聽講Maggie人又好學,又好nice,仲好熱心幫人,去咗斯里蘭卡做義工。

  梁凱寧日前喺facebook發帖,話離巢後到斯里蘭卡做義工,仲去咗當地貧困地區嘅託兒所,教授英文及宣揚民主與自由。Maggie仲話,O依個月到咗斯里蘭卡做義工,主要喺託兒所照顧嬰幼兒,因為當地斯里蘭卡人唔識英文,而Maggie又識多種語言,所以佢決定去鄉村,教小學生英文。

  喺佢工作期間,超過一半嘅小朋友都病咗,Maggie要繼續同佢哋玩,教導佢哋,哄佢哋瞓覺,當然,亦要好似父母般幫佢哋處理鼻涕同痰,最後所有義工都病咗,不過佢話一切都值得。

  Maggie話,喺鄉村教導小朋友,機構並冇提供教材,佢每日上堂前都要備課,但由於呢啲小朋友來自唔同學校,程度又唔同,歲數差異又大,令佢編製教材嗰陣,頗傷腦筋,佢仲設計好多遊戲畀小朋友喺歡笑聲中學習。到最後一天道別時,所有人都哭了,實在千萬個唔捨得。Kelly真係覺好欣賞佢。

Kelly Chu


hd