Executive日記——紅底黃字趣緻對聯食肆特製揮春求才

  示威活動不時發生,少咗人出街,各行業同受影響,尤其係飲食業叫苦連天,冇人流就冇生意。有新聞報道話,已經有過百間餐廳捱不住須關門。不過,依然有小店好努力經營,仲求才若渴。Kelly日前行經一間茶餐廳,就見到佢哋正在招工,而且仲好有創意噃!

  一般食店請人告示,多數係一張白紙,寫上職位同人工,但呢間喺佐敦嘅茶餐店就好有心思,特製咗一張大揮春,上面有對聯「如果你自問聰明歡迎你加入大家庭」,紅底黃字,而且仲捆上花邊,好靚好搶眼噃,聰明人一定會知道老闆IQ好高,而下面就寫上請冰室服務員,係叫服務員而唔叫做侍應,感覺即刻高級咗,仲要請好搶手嘅洗碗工同文武吧職員。

  Kelly都希望老闆快啲請到人,亦期望呢場反修例風波快啲過去,唔使各行各業撐得咁辛苦。

Kelly Chu


hd