Executive日記——今期億元金多寶 「1」「13」「19」最旺

  六合彩前期萬聖節金多寶頭獎懸空,上期又無人中,今晚九點攪珠嘅六合彩,累積多寶有九千八百四十六萬餘元,馬會估計頭獎基金高達一點四億元,如果十元一注獨中頭獎,呢位超級幸運兒將可以取得六合彩史上最高嘅獎金。

  馬會每逢有獎,都提供一啲統計資訊畀大家參考,好似喺歷來五大頭獎派彩嘅六合彩攪珠中,「42」號曾被攪出三次,可稱為巨獎幸運號碼。而「46」號喺一三年十二月最高頭獎派彩及一二年一月第二高派彩嘅攪珠中,均有被開出。仲有,喺最近十期攪珠中,有三個號碼特別旺,分別是「1」、「13」及「19」號,同樣被攪出過四次。小妹一定買番一張六合彩,刀仔鋸大樹。

Kelly Chu


hd