Executive日記——用飛船穿梭嚟形容生命 「段爸」好有哲理

  中大畢業禮,因為有學生遊行被逼腰斬,成為新聞,大家焦點放在學生嘅行動上,無乜人關注中大校長段崇智嘅發言,其實都幾有意思嘅。

  段校長話,每個人都活喺社群中,冇人係孤島。我哋嘅社群好多元,有不同啲人、不同啲價值、膚色、不同衣著、不同文化;大家生活在一起,社群有生氣,係建基於互相尊重同互相理解。我們嘅生命,好似乘坐飛船,喺時空穿梭;終有一天,我們到達終站,會問這次旅程意義何在。旅途嘅意義,就在於你為這個社群做了甚麼。Kelly覺得段校長經過反修例風波洗禮之後,被學生稱為「段爸」,佢講得好啱,中大同學應該銘記於心。

Kelly Chu


hd