Executive日記——六大打卡位粉絲必到 小王子The ONE陪你過聖誕

  近日天氣轉冷,唔少大型商場都已經換上聖誕節裝飾。Kelly就留意到,小王子首次以一身聖誕造型,由B-612星球,嚟到尖沙咀The ONE商場,同大家過一個浪漫溫馨嘅聖誕節。The ONE仲設有六大「打卡位」,等一眾《小王子》粉絲影相留念!

  The ONE地下露天廣場,放有高三米嘅高「月光.夜伴小王子」大型裝置藝術,小王子身穿聖誕老人衫,坐喺發光嘅月亮上。去到UG2中庭,大家就可以見到其餘五個裝置藝術,分別係超過四米高、由幾何聖誕球砌成嘅「幻彩幾何聖誕樹」;由立體書組成嘅「光影尋夢隧道」;見小王子坐喺巨型紙飛機上嘅「心情夢飛翔」;同小王子並肩坐喺B-612星球上嘅「B-612星夢之旅」;以及小王子抱住狐狸,身處麥田嘅「狐狸與金光麥田」。

  The ONE嘅「Le Petit Prince聖誕夢想啟航」,由今日起舉行至明年一月五號,開放時間喺朝早十點至夜晚十點。各位《小王子》粉絲,絕對唔可以錯過!

Kelly Chu


hd