Executive日記——大館「柏林藝術節」 音樂光影「訴說」故事

  上周六係柏林圍牆倒塌三十周年,柏林呢座城市,歷盡滄桑。Kelly就知道,中環大館近期舉辦「柏林藝術節」,透過唔同光影藝術、音樂會、播放電影、街頭藝術同快閃演出,同觀眾一齊從藝術方面,了解歷史悠久嘅柏林。

  喺環繞大館監獄操場嘅牆壁立面,變身投影屏幕,變成五光十色嘅柏林大都會。仲有來自柏林嘅光影藝術創作團隊「光影海盜」(LiCHTPiRATEN),以別出心裁嘅燈光設計同光雕投影,加上特地創作嘅樂聲,展示對柏林嘅種種想像。

  其實,「柏林藝術節」仲有好多藝術節目,有興趣嘅你要把握時間,喺周日(十七日)前到大館欣賞喇!Kelly提提大家,部份節目或需預約及購票,可以去大館網頁了解吓。

Kelly Chu


hd