Executive日記——「亞裔藝采」展現多元藝術文化

  香港係一個多元文化、共融嘅地方。康文署喺本周日(十七日)下午二時至六時,係香港文化中心露天廣場舉行「亞裔藝采二○一九」,為市民帶來富民族色彩嘅歌舞表演、攤位活動同工作坊,展現出亞洲嘅多元藝術同文化,免費入場,歡迎參與。

  Kelly知道,參與今年「亞裔藝采」嘅亞洲國家同地方達到十九個,表演包括韓國傳統農樂同太平舞、日本阿波舞、印度古典舞同寶萊塢舞,以及孟加拉、老撾、越南嘅民族舞蹈等,而本港同澳門團隊將分別演出嘻哈舞獅同啦啦隊表演,每個節目都相當精采。仲有,大會安排咗多項周邊活動,包括展示傳統工藝品、服飾、美食等,以及竹樂器工作坊,畀市民認識不同地區嘅風俗同文化,真係唔好錯過!

Kelly Chu


hd