Executive日記——「冬日開懷集」合家歡笑不停

  Kelly最近收到料,康文署主辦每年一度嘅「冬日開懷集」系列藝術活動又返嚟喇,「冬日開懷集」由即日至明年二月三十三日,為大家帶嚟音樂、舞蹈、戲偶、雜技、電影等豐富又多元化嘅合家歡節目,令呢個冬日,充滿歡樂。

  參與呢次演出嘅團體,唔少係嚟自海外,如波蘭嘅公平競技組合Fair Play Crew,就會為觀眾帶嚟舞蹈喜劇,佢哋用獨立片段嘅舞蹈嚟展現日常生活點滴。另外,荷蘭的聽風合奏團(Oorkaan),配合現場音樂同影像投影,同觀眾互動,為大家帶嚟意想不到嘅燈光同視覺效果。同時,本港電影節目辦事處,亦都安排咗六部合家歡聖誕電影,為一家大細帶來笑聲。

  Kelly提提大家,各節目嘅門票可以透過城市售票網售票處、網上、流動購票應用程式同信用卡電話購票熱線發售。大家亦可以查詢康文署網頁。

Kelly Chu


hd