Executive日記——熊熊同你喺360迎聖誕新年

  嚟緊嘅聖誕節同新年,一於搭昂坪360登山玩番轉,因為昂坪360聯同We Bare Bears 喺下周四起至明年一月五日期間舉行「熊熊之約定 - 聖誕篇」,人氣大熱卡通《We Bare Bears》(熊熊遇見你)三位主角,包括老大棕熊Grizzly、二哥熊貓Panda及三弟北極熊Ice Bear穿上毛衣頸巾,頭頂聖誕帽去到昂坪360同大家見面,一齊慶聖誕迎新年!

  昂坪市集圓形廣場設兩大巨型打卡位,包括融合聖誕元素嘅經典港式奶茶杯同禮物旋轉木馬,大家可以同熊熊一同大拍節日靚相;而昂坪市集更設有全港首個We Bare Bears「至熊打卡館」,熊熊們栩栩如生,活現眼前。大家仲可以參加「熊熊聖誕手工輕食教室」,試下手工古早味嘅糖蔥餅。Kelly知道仲有其他有趣活動,大家一於去發掘下聖誕樂趣啦。

Kelly Chu


hd