Executive日記——有魚兒清道夫 水塘乾淨晒

  原來香港水塘中嘅魚,負起特別嘅功能。發展局局長黃偉綸發表網誌話,全港有十七個水塘,水中有多種水藻、原生動物、魚類等,喺當局打理下,佢哋能生長達至生態平衡,但有水塘曾因水藻過度繁殖而影響水質,因此水務署每年喺水塘投放魚苗,由佢哋攝食水藻,確保生態平衡、水質優良。

  網誌介紹咗水務署水務化驗師鄧浩維,佢早前去糧船灣淡水湖視察,指水塘長期被太陽照射,養份較高,有利水藻生長。部門會定期把魚苗放進曾水藻過度生長嘅水塘,由魚攝食浮游植物,控制水藻繁殖。香港水塘嘅魚類兵團,主要由鯿魚、大頭魚和鯪魚組成。

  為咗監察水塘嘅生態環境,鄧浩維說,水務署定期做「刺網捕魚」調查,以監察水塘內嘅魚,確保水塘生態平衡。他說,根據過往監測紀錄,香港水塘嘅水質都是維持在良好狀況。

Kelly Chu


hd