Executive日記——了解國學大師一生 饒宗頤故事展 睇罕見手稿

  國學泰斗饒宗頤,一生學術成就輝煌,了解佢嘅故事,可以增進國學知識。如果大家想提高自己嘅文化水平,就要喺周三起至明年二月中去香港文化博物館,觀賞「饒宗頤的故事」展覽,可以見到佢嘅手稿,機會難得。

  呢個展覽由康文署、港大、香港文化博物館、港大饒宗頤學術館等機構合辦,展出饒宗頤嘅生活照片、私人信函、學藝成果、文學創作及其他文獻資料等二百多項展品,從人生、學術、藝術及文學等方面,講述一位以香港為家的大師專注於中華文化的研究,最終成為一位享譽國際的國學泰斗,為中國人留下寶貴嘅文化財富。

  Kelly睇呢位大師嘅文字,充滿童真,好有趣味。佢嘅畫作用色清雅,品味高逸。

  生於廣東潮安嘅饒宗頤,由一九四九年起定居香港,對中國歷史、文化和藝術有深入研究,在上古史、地方史、甲骨學、簡帛學、目錄學、楚辭學、敦煌學、宗教學、考古學和文學等多個範疇取得豐碩嘅成果,並提出了獨到嘅創見,係當代其中一位最具影響力的殿堂級華學大師。

Kelly Chu


hd