Executive日記——「化學教父」講悶嘢找數 貼契女素顏相

  港大化學系博士、前中大講師Dr. K. Kwong(鄺士山博士),喺facebook專頁解說紓解催淚彈嘅害處,吸引好多粉絲。點知有人追佢嘅post,形容知識性太強,留言話好悶,有人更戲言想睇「開心嘢」。

  呢位「香港化學教父」好鬼馬,回應話多過500個讚好,就會分享契女相!帖文一出,短短幾日吸引六千二百人次讚好,佢就連續兩次「找數」,先分享佢幾個契女嘅素顏相,又叫網民死心,話︰「我啲契女n年前認,現在已經係媽媽啦……」Kelly仲發現K. Kwong上載另一契女樂翊榆嘅相片,指對方曾經係《Miss Intercontinental 2019》嘅香港區代表,樂小姐真係美麗又動人喎。鄺博士找數找得開心,日前再次上載美女相,今次主角換上才女梁芷珊(Canny),強調「一手相,非舊相!」反映呢位博士真係好多美女朋友喎。

Kelly Chu


hd