Executive日記—— 總商會 「全程為您」電車小輪免費搭

  一年一度嘅香港總商會「全程為您」活動喺噚日順利舉行,全港市民可免費乘搭全線電車和天星小輪兩條航線。總商會主席夏雅朗話,每年都舉辦「全程為您」活動,喺因為堅信回饋社會十分重要!Kelly尋日都趁機搭咗一小段電車,見到唔少乘客都因呢個「小確幸」面露笑容,希望有更多企業都可以回饋社會,分享喜悅!

  夏雅朗聯同副主席孫立勳、行政總裁袁莎妮,及贊助代表等人,尋日登上一架印有活動宣傳廣告嘅電車,齊齊歡迎大家參與「全程為您」活動。夏雅朗認為,「全程為您」喺一個好有意義嘅團結社區活動,為全城帶來歡樂氣氛,佢亦感謝所有慷慨贊助本年度「全程為您」嘅會員——包括個人、中小企以至跨國企業。佢仲話,喺面對嚴峻經濟挑戰下,仍然慷慨解囊,令活動得以成功續辦,皆因佢哋堅信,回饋社會十分重要!

 由於大眾反應熱烈,總商會喺會員企業鼎力支持下,決定將活動定為年度項目。活動自推出以來,至今已有近三百萬人次嘅市民同遊客,受惠於免費嘅電車同渡輪服務。

Kelly Chu


hd