Executive日記——「一田購物優惠日」過萬件筍貨等你掃

  半年一度嘅「一田購物優惠日」已經開始咗喇,今次仲打破傳統提早至早上十時開店,收店時間亦調整至下午八時。全港十一間分店(沙田、大埔、荃灣、新蒲崗、屯門、旺角、觀塘、西環、將軍澳、元朗、葵芳),以及八個特別展場同步勁減。

  今次優惠日,一田搜羅咗過萬件極筍貨,低至兩折起發售,仲精心打造三大優惠滿瀉區︰「一折震撼區」、「兩折起電視區」及「二十九周年激筍貨」;以及三大勁減主題︰「人氣潮食雜貨」、「獨家Character潮服家品」及「三百元有找獨家護膚美妝組合」,貨品包括精選食品、家品、嬰兒用品、潮物玩意、家電以至人氣服飾等。

  一田透露,優惠日首日銷情理想,整體營業額同去年同期相若,當中以鮮貨食品同玩具貨品表現最好。期望一連六日嘅優惠日,能帶動整體消費氣氛。Kelly提提大家,今次「一田購物優惠日」將喺下月二日(周一)結束,要大手入貨,就要好好把握機會!

Kelly Chu


hd