Executive日記——全線餐廳有得食 麥當勞派炸雞 人人食過翻尋味

  麥當勞上周推出全新嘅麥炸雞,全城旋即掀起追食炸雞熱潮。為咗多謝廣大粉絲嘅支持,麥當勞由昨天起全線餐廳都供應麥炸雞系列食品,噚日中午仲喺鰂魚涌栢蕙苑嘅麥當勞餐廳舉行快閃活動,向市民送上麥炸雞,好多人食過之後,大讚係至「脆」、至「Juicy」嘅炸雞,話一定會翻尋味咁話。

  麥炸雞一出,好多朋友話一試難忘好味道,連續食咗幾日咁話。Kelly亦好鍾意麥炸雞,食咗幾餐,當知道昨天鰂魚涌栢蕙苑嘅麥當勞餐廳喺中午十二時至下午一時向粉絲免費派麥炸雞(兩件)嘅超值套餐,即刻飛身去食,見到長長嘅人龍,排咗一陣,終於享受到麥炸雞嘅美味。身邊好多人食到笑容滿面,大讚麥炸雞香辣惹味,外脆內嫩,每咬一口,感受到啖啖肉汁,認真係十分「Juicy」嘅好滋味!

  小妹碰見麥當勞行政總裁黎韋詩,佢多謝顧客嘅支持,話由昨天起麥炸雞正式喺全線餐廳發售。小妹亦碰見《頭條日報》廣告部業務總監Jacky Lau,佢大讚麥炸雞引起市場哄動,非常之成功。

Kelly Chu


hd